【轉載】黑沙環 海上居的一間（生果名）的私人托兒所
被托兒所隱藏的1小時的虐兒影片
開頭只比我地睇手提電腦上，修剪好的4個影片（無聲），少了一小時（9:30-10:30），最終講要報警及要離開，才去2樓睇真正的cctv系統的果一小時（無聲）：
🚨真相：不是純屬意外，是人為
‼️‼️托兒所有心欺瞞，只對外界提供修剪後的片段（不是在cam系統直接睇），及講是意外，真相只會被沒埋，若每次發生，托兒所就隱瞞片段，一段時間後又平息，只外界話純屬意外，就只會不斷繼續危害其他小朋友⋯（就連同個托家長都有反映類似問題，絕對唔係我小朋友的個別事件）‼️‼️
—————————
（精簡版）
🔴助教虐兒（掌摑、多次強拉手臂，單拉左手至腳離腳，及拖行至cam盲點位，導致左手甩骹，左手臂條條揈，再行出嚟再強拉返入去）
🔴現場的另一助教及老師在場見到但漠視，同時亦拉扯及粗暴對待其他小朋友，影片中不止我小朋友受到傷害
🔴主任、員工集體 欺騙家長（不同日子、不同人，都講是我小朋友自己訓教壓親，導致甩骹&隱暪證據(提供了的閉路片段，少了一小時的真相）
🔴負責人不負責（由13號發生至今， 無任何交代，直至17號才能比我地睇cam，發現隱藏的真相，要求負責人聯繫我們，負責人用反來電才打電話通知，佢話自己好忙、好少去托兒所，佢19號星期一先去問同了解，但直至發貼呢一刻，仍未有任何回覆）
🔴 本月13號發生，17號才睇到cam的真相，睇完cam去了報警
—————————
🟠（長長長文版）
我小朋友（2021/12/1）入學，到今次發生事件前，我同好多家長都以為呢間（生果名）的私人托兒所好好，對佢地好有信任，哪怕入學後當月（2021/12/17左右同2022/3/3）小朋友已受過傷（如照片），我哋十分信任托兒所，相信佢地，選擇原諒同無追究，今次五系因甩骹，都五知原來成間托兒所，時至今日，仲集體隱瞞同欺瞞⋯話純屬意外⋯
🟠事發當日：
本月13號，我小朋友返學前正常，15:30托兒所接放學見到小朋友無精神，回到家，平時好中意食野都五食，一掂左手就大喊，我地馬上帶去銀葵睇醫生，證實左手的手踭位甩骹（左手臂條條揈狀態、一碰就大喊），醫生就建議我地上山頂醫院照X光，我地就馬上去山頂睇醫生，醫生檢查時做了2次轉左手的手踭位，將甩骹復位，并照埋x光，但小朋友
🍎托兒所：
當日接放學，托兒所無任何交代，直到我地發現即刻聯絡托兒所，而托兒所的員工及主任，都欺瞞事實，系不同人、不同日數，均聲稱是無事發生及無活動，佢地睇過cam話小朋友下午雙手都活動正常，❗️話系小朋友自己瞓覺壓親的原因，而導致甩骹….
🟠大話a.b.c.d.e⋯
呢個原因實在太不合理，即是遭到拒絕睇cam，我哋強烈要求要睇，而托兒所馬上轉口，講佢地原來睇錯cam,佢地睇左去6號既cam,話13號我小朋友下午手系無點旭，但仲系話系小朋友自己瞓覺壓親的原因，而導致甩骹….
我地好嬲同講我地要退學，最後托兒所答應星期六17號才可以睇，點知去到睇cam系在手提電腦上睇4個不同時段的片段，只睇到我小朋友瞓覺前，已是痛苦大哭的狀態，少咗關鍵的一個鐘⋯
🖤主任
主任一直講再下次睇，我地要搵聯絡人，就話再等去聯絡負責人（得到的回覆是負責人話負責人的小朋友17號當日畢業典禮，要遲d先覆，未知幾時）
其後我哋要求要即時提供果嗰一個鐘cam, 否則立即報警，主任最終答應，叫我哋等一陣，但我哋等咗好耐，我哋叫人幫手搵到主任，那人門一開，我地見到4個職員喺一間房度，蹲在2部手提電腦，齊心合力組織那消失一個鐘的片段，我地表示要立即睇，否則即走去報警，佢地都組織不了，見我地走既身影，主任才帶我哋上樓上睇真正的cam（在cctv系統上）
我哋邊睇邊大叫，點解佢地既托兒所人員，做出虐兒行為！？主任表示佢哋都係第一次去睇呢一個鐘，而一陣又講，佢哋係快轉地去睇呢一個鐘，及其後又說冇同負責人講有呢一個鐘⋯
🚨 🚨真相：
僅僅頭30分鐘，已經見到多次虐兒、傷害兒童身心
🖤助教
十幾名小朋友的課室，1名外藉老師&2名外藉助教一直都在，菲律賓助教無端端，突然強拉我小朋友左手，拉到雙腳離地，然後再拖行去課室的閉路電視的死角為下，五比佢出黎，我小朋友已經左手臂條條think,行出嚟想同大家排排坐，個菲律賓助教就再強拉佢手臂入去，并怒樣指住，五比行出呢個cam死角位
其間仲睇到仲揮手去打我小朋友巴掌、我小朋友的右手在頭旁有擋住，真不知是剛好在頭旁還是已是慣性擋住
另外菲律賓助教，多次對著同排排坐的對其他同學們，笑住指住我小朋友的角度，同再指其他小朋友，其間我小朋友想再行出嚟，都被強拉及用手勢警告，已經系虐兒+排斥+欺凌，在影片中，同樣那些助教亦以粗魯拉其他小朋友，就算小朋友坐得好地地，都用腳去離遠大力地踢小朋友的凳
🖤老師
我小朋友大喊都系拉佢，而同課室的另一個助教同老師全程都見到，但作為任何一個教育工作者都無人去理佢⋯
後來我小朋友，再行出來，左手已是條條揈既狀態，單手去拿水樽，被老師制止，五比飲水，要獨自企系靠牆度被老師訓話，不比返去同大家排排坐⋯
到食飯，我小朋友都系被安排坐系呢個cam死角位，放枱上的圍衫墊，單手帶不上，老師見狀，來到攞起幫帶2秒，再次將圍衫墊掉喺張枱度在枱面上、然後直接走開⋯
飯後，已見到我小朋友痛苦大喊在床上，老師幫佢冚被的狀態是，將張被子，好粗魯地好似扇風一樣，對住佢塊面不停扇，扇到最後，直接將張被蓋住成個頭，然後直接走開⋯
🖤 負責人
17號我哋睇完cam後，要求負責人俾個交代我哋，其後負責人用反來電（第一次&唯一一次）打來講⋯
問我小朋友好返未？我問佢系埋有去了解事件，佢話佢好忙，要下星期一先去處理，問左老師再聯絡我…我話老師今日就系現場wo…佢就再答我，甘佢五止托兒所要理，佢好忙，我話你甘樣系負責人？佢話佢五系聽片面，我話今日就系睇左cam，已經五系面片wo，
但我問佢話，呢幾日同今日，托兒所都有話聯絡負責人你wo,你而家先至了解？下星期一先處理？最終佢就系直接告知完我，亦無話再覆我就收左線，但直至20號發貼呢一刻，仍未有負責人/托兒所的任何回覆⋯
🖤🖤🖤🖤🖤🖤🖤🖤
明明是虐兒，
但見托兒所已對外界聲稱，這次是意外⋯
🖤🖤🖤🖤🖤🖤🖤🖤
我報警、打上電台、發貼，希望減少其他小朋友受傷，更想講被隱藏的片段，短短時間的中，除咗我小朋友受到嚴重傷害，而片中的其他小朋友，都係受緊粗暴嘅對待⋯
就連同個托家長都有反映類似問題，絕對唔係我小朋友的個別事件）
💔我小朋友
甩骹復位=好返？
❇️身：小朋友甩骹，係好容易一世都慣性甩骹
❇️心：心理上系最難康復，始終已造成童年陰影，現在要拖佢只手，有時都會即刻縮手，同有時聽到大聲說話，都會莫名大喊，喊到好激動⋯
我哋作為孩子的家長，除了心痛外，希望減少將來又有小朋友受到傷害，佢哋呢個年齡，哪怕受到傷害，都未識表達出來，只能靠大人去幫佢地發聲
️‼️ ‼️‼️ ‼️‼️‼️
資料來源：澳門精叻父母交流群
